Gernikako Piper frijituak
 

Osagaiak: Gernikako Piperrak, oliba olioa 0,4º, gatza. Padera bat su bizitan jarri olio askorekin 160º ingurura iritsi arte. Olioa tenperatura horretara iritsi denean, bota piperrak, mugitu bitsadera batekin segundo batzuez, atera padera su bizitatik eta utzi su txikiagotan egosten; buelta gehiago emango dizkiegu gorritzen ez uzteko (beren kolore naturala mantentzen saiatuko gara). Atera paderatik, xukatu eta jarri ontzi batean. Tapatuta mantendu denbora batez eta bota gatza. Plater edo beste ontzi batean jarri eta zerbitzatu.

 
Gernikako Piperrak Urduñako onddoez beteak.
 

Osagaiak (4 pertsonentzat): Gernikako 16 Piper- 400 g onddo - 100 g tipula xehatu – baratxuri ale 1 – baso 1 oliba olio - 50 g irin – perrexil xehatua - 2 arrautza - juliana eran ebakitako 100 g urdaiazpiko - gatza. Prestaketa: Piperrak hartu eta txapela kenduko diegu. Padera batean, tipulaz eta baratxuriz hondo bat egingo dugu. Sueztitu denean, gatza, irina eta salda pixka bat erantsiko diogu. Hondo horrekin piperrak bete eta gero arrautza-irinetan pasatuko ditugu. Tipula, irin eta salda pixka batekin saltsa arin bat egingo dugu piperrak estaltzeko; saltsa 10 min inguru egosten utziko dugu eta zerbitzatzeko urdaiazpikoa eta perrexil xehatu pixka bat botako diogu gainean.

 
Gernikako Piperrak kroketa moduko bexamelaz beteak
 

Piperrak frijitzen dira eta banan-banan azala kentzen zaie. Behin zurituta, mutur batetik bestera ebakidura bat egiten zaie txortena kendu gabe. Piperrak haziak baditu, kendu egingo dizkiogu. Aurrez prestatutako bexamel batez (hotza eta pausatua egon behar du) betetzen eta ixten dira piper-itxura emanez berriro. Ondoren piperra irinetan pasatu, gero arrautzatan eta, azkenik, ogi birrindutan. Piperra frijitzeko olioak beroa egon behar du, 180 gradutan. Frijitzen bukatzean erretilu batean zerbitzatu, frijituak balira bezala.

 
Gernikako Piperrak barazkiz eta onddoz beteak.
 

Osagaiak (4 anoa). Gernikako 16 piper – 2 burruntzalikada oliba olio 0,4º - 4 porru fin-fin xehatuta - 2 kalabazin azalik gabe eta xehatuta - 1/2 kg onddo – espinakak – gatza – piperbeltz zuria. Preparación: Kazola batean, porruak eta kalabazinak, fin-fin xehatuak, su eztitan egosten jarri eta tarteka mugitu. Erdi egosita daudenean, onddoak xehatuta eta aurrez egositako eta xukatutako espinakak bota eta pixka bat gehiago egiten utzi. Bi burruntzalikada porru-salda gehitu, gatzpipertu eta hozten utzi. Olio oso berotan frijituko ditugu piperrak. Pixka bat mugitu eta atera egingo ditugu. Azala kenduko diegu. Gernikako Piperren saltsa. Velute bat egin eta Gernikako Piper batzuk gehituko dizkiogu. Iragazkitik pasatu ondoren, foie-zatitxo batzuk gehituko dizkiogu. Piperrak bete, frijitu eta, ondoren, xurgatzen jarriko ditugu. Aurkezpena: Platera foie-zatiak dituen Gernikako piperren saltsarekin estaliko dugu, eta Gernikako lau piper beteak, izar-itxuran, gainean jarriko ditugu.

 
Gernikako Piperrak arkumez beteak eta pistoz lagunduta.
 

Prestaketa 6 pertsonentzat. Gisatua egin osagai hauekin: 1kg arkume-bular – porru 1 – tipula 1 – azenario 1 – tomate heldu 1 – baratxuri ale 1 – oliba olioa 0,4º eta gatza. Ondoren, Gernikako 18 piper frijitu eta gero zuritzeko utzi. Pisto bat prestatu 2 piper gorri, 2 tipula, kalabazin ertain 1, baratxuri ale 1, baso 1 tomate-saltsa, olio eta gatzarekin (piper gorriak eta tipulak julianan ebaki eta azken ordu-laurdenean kalabazina gehitu laukitxotan ebakita). Gero arkumea eta gisatu-saldaren erdia xehatzeko makinatik pasatu -disko lodia-. Piperrak zuritu ondoren, xehatu horrekin bete eta erregosi. Pistoa egiten amaitzen denean, gatzez eta azukrez ondu eta plateraren hondoan jarriko dugu. Piper erregosiak plater erdian eta inguruan jarriko ditugu, bai eta gisatu-saldaren beste erdia ere, sutan urritzen izan eta gero.